Даходы кандыдатаў у прэзідэнты.
У ЗША, да прыкладу, існуе грашовы “ліміт” (у 20 мільёнаў долараў). Калі кандыдат ў прэзідэнты да яго не дацягвае, то ён не можа балатавацца. Гэта сума з сям’ю нулямі —“крэдыт даверу”. На погляд амерыканцаў кандыдат, які мае столькі грошай, не будзе падкі на хабар і магчымасць залезці ў дзяржаўную казну.
У нашай краіне перад вылучэннем у кандыдаты прэтэндэнты здаюць свае дэкларацыі і іх правяраюць... каб не мелі паважаныя спадары зашмат грошаў...
Згодна прадстаўленым у ЦВК звестак, самым забяспечаным кандыдатам у прэзідэнты ў 2005 годзе з’яўляўся лідэр ліберальна-дэмакратычнай партыі Сяргей Гайдукевіч. Яго сукупны гадавы прыбытак склаў 142.947.228 рублёў. У гэту суму ўваходзяць: заробак, пенсія, прыбытак ад продажу аўтамабіля і “кампенсавання маральнай шкоды”.
У С.Гайдукевіча і яго блізкіх ёсць прыватныя два жылых дома ў вёскі Сёмкава пад Мінскам плошчай 66,8 и 210,1 кв. м, тры кватэры ў Мінску, два зямельных надзелы, два грузавых аўтамабіля "МАЗ-64229032", легкавыя аўтамабілі "БМВ-730", "Лексус GS-300", "Ниссан-Максима", два паўпрычэпы "МТМ 9330", а таксама чатыры акцыі ААТ “Белзнешэканамбанк”.
Прыбытак Аляксандра Лукашэнкі — 59.172.668 рублёў (заробак).
У маёмасці А.Лукашэнкі маёмасці няма. У яго сваякоў — два жылых дома ў вёскі Рыжкавічы Шклоўскага раёна агульнай плошчай 174 кв. м і ў вёскі Б.Мяжнік таго ж раёну агульнай плошчай 50 кв. м, а таксама 56 акцыяў ААТ “Шклоўскі масларобчы завод”.
4.734.000 рублёў і 2.000 еўра зарабіў лідэр аб’яднаных дэмакратычных сілаў Аляксандр Мілінкевіч (заробак, прыбытак ад арэнды маёмасці, прыбытак атрыманы ад чэшскага выдавецтва “Jota”).
У А.Мілінкевіча і яго блізкіх у агульнай маёмасці знаходзіцца тры дамы ў Гродна і Гродзенскай вобласці, пяць кватэр, шэсць аўтамабіляў (“Форд-Скорпія”, “Форд-Транзіт”, “ГАЗ-24”, “Мерсэдэс-Бэнц 240”, “Пежо-605”, “Фальксваген-Джэта”), а таксама чэкі “Маёмасць”, акцыі ААТ “Мінатэль”, ААТ “Кобрынскі масла-сыраробчы завод”.
Чацвёрты прэтэндэнт, лідэр Беларускай сацыял-дэмакратычнай партыі (Грамада) Аляксандр Казулін, у 2005 годзе не зарабіў ничога.
У А.Казуліна ў дэкларацыі пазначаны тры кватэры ў Мінску, легкавыя аўтамабілі “Фальксваген-Гольф”, “Аудзі 80” і “Лянча-Тема”, а таксама акцыі трох прамысловых прадпрыемстваў.
Інфармацыйны цэнтр МГА “ЗБС “Бацькаўшчына”,
Паводле БелаПАН.
2006, 22 лют. | 
