Ці будзе бязвізавы праезд Беларусаў у ЕЗ

Згодна з праграмай сацыяльна-эканамічнага развіцця Беларусі на 2006-2010 гады, гандлёва-эканамічнае супрацоўніцтва з краінамі Еўразвяза з’яўляецца адным з прыярытэтаў у міжнародных сувязях рэспублікі, як перадае агенцтва “Інтэрфакс”.

Як падаецца ў дакуменце, “развіццё інтэграцыйных сувязяў з краінамі па-за СНД будзе скіравана на завяршэнне працэсу далучэння да ВТО, актывізацыю супрацоўніцтва з МВФ, сусветным банкам, МФК, ЕБРР з мэтай прыцягнення крэдытаў, займаў, тэхнічнай дапамогі дзеля рашэння актуальных праблем развіцця эканомікі, паглыблення супрацоўніцтва з ЕЗ”.

Таксама ў праграме падкрэсліваецца важкасць гандлёва-эканамічнага супрацоўніцтва з асноўнымі сябрамі ЕЗ, абумоўлена “іх геаграфічнай блізасцю і ўзаемавыгаднымі сувязямі, аснаванымі на узаемных інтарэсах, зняцця дыскрымінацыйных мер, адмене абмежаванняў гандлю у адносінах беларускіх тавараў”.

Беларуская праграма таксам прапануе сфарміраваць “агульную еўрапейскую прастору”, а ў перспектыве падпісаць пагаджэне аб увядзенні бязвізавага рэжыму паміж Беларуссю і ЕЗ.

Нагадаем, што ў першай палове 2006 года за узаемадзеянне Еўразвяза і Беларусі будзе адказваць Латвія. Гэта краіна павінна будзе інфармаваць органы і краіны-ўдзельніцы ЕЗ аб навінах у Беларусі, прадстаўляць у ёй інтарэсы Еўразвяза, каардынаваць дзеянні краін ЕЗ і інфармаваць беларускія ўлады аб прынятых у Бруселі рашэннях.

У верасні 2005 года Еўрапарламент прыняў рэзалюцыю па Беларусі, у якой асудзіў рэпрэсіі супраць Саюза беларускіх палякаў і бясконцы пераслед актывістаў, абараняючых правы польскай этнічнай меншасці.

Брусель неаднойчы крытыкавала кіраўніцтва беларускага прэзідэнта Аляксандра Лукашэнкі за парушэнне прынцыпаў дэмакратыі і свабоды слова. Кіраўніцтва ЕЗ таксама рэкамендавала самаму прэзідэнту і шэрагу высокапастаўленых чыноўнікаў дзяржавы устрымацца ад паездак у краіны Еўразвяза.

Паводле Lenta.ru