Канферэнцыі аб Беларусі за яе межамі

Хутка канферэнцыя ў Кіеве “Развіццё грамадства: удзел моладзі”

Праблемы і перспектывы развіцця грамадскага маладзёвага руху і маладзёвага прадпрымальніцтва, студэнцкага самакіравання, палітычнай актыўнасці моладзі, а таксама пытанні доступу да якаснай адукацыі, культурна-духоўнага развіцця моладзі будуць абмяркоўвацца з 19 па 20 лістапада ў Кіеве на канферэнцыі “Развіццё грамадства: удзел моладзі”.

Арганізатары канферэнцыі — Цэнтр палітычнай адукацыі (Кіеў, Украіна) і Рэгіянальнае прадстаўніцтва Фонда Ф. Эберта на Украіне — запрашаюць да ўдзелу лідэраў і актывістаў НГА, экспертаў, прадстаўнікоў органаў дзяржаўнай улады Беларусі.

Арганізатары забяспечваюць удзельнікаў Канферэнцыі пражываннем, харчаваннем, пры наяўнасці квіткоў аплачваецца праезд.

Дадатковую інфармацыю можна атрымаць па тэл.: +38 044 236 55 10, +38 044 204 49 85, альбо па эл. пошце: office@cpe.org.ua.

Кантактныя асобы – Кацярына Вінцукевіч, Марына Лупаленка.

Паводле www:sektar.cjb.net

У чым “Эфектыўнасць беларускіх няўрадавых грамадскіх арганізацый”

Інстытут нацыянальнага развіцця (Вільня, Літва) і грамадскае аб’яднанне “Цэнтр “Трэці сектар” (Гродна, Беларусь) запрашаюць да ўдзелу ў праекце “Эфектыўнасць беларускіх няўрадавых грамадскіх арганізацый”.

У межах праекта плануецца выдаць метадалагічны дапаможнік (на CD) па розных аспектах мэнеджменту НГА (стратэгічнае планаванне, праца з людскімі рэсурсамі, кіраванне праектамі, маркетынг і сувязі з грамадскасцю, арганізацыя працы ў НГА).

Да ўдзелу запрашаюцца беларускія трэнеры і эксперты з досведам распрацоўкі метадычных матэрыялаў, а таксама правядзення трэнінгаў па названых тэмах.

Асаблівая ўвага будзе надавацца заяўкам ад прадстаўнікоў беларускіх НГА, якія бралі ўдзел у праекце “Мэнеджмент беларускіх НГА”, які праводзіўся Інстытутам нацыянальнага развіцця ўзімку 2005 г.

Беларускія эксперты дапамогуць сваім калегам літоўцам адаптаваць іх метадычныя матэрыялы да беларускай рэчаіснасці.

Усе мерапрыемствы ў межах праекта будуць адбывацца ў Літве.

Арганізатары праекта з літоўскага боку кампенсуюць усе выдаткі, звязаныя з праездам, пражываннем і харчаваннем беларускіх экспертаў.

Паводле Беларускага саюза маладзёвых і дзіцячых грамадскіх арганізацыяў “РАДА”